இன்றைய காலகட்டத்திற்குத் தேவையான இசை மற்றும் நடன செயல்முறை பயிற்சியை மாணவர்களுக்கு அதிலும் குறிப்பாக கிராமம் சார்ந்த மாணவர்களுக்கு திறம்பட கற்றுத் தருதல். நம் பாரம்பரிய தமிழ் கலாச்சார பண்பாட்டினை இதில் பாதுகாத்து பரப்பும் வகையில் இசை ஆராய்ச்சியும் புத்தொளிர் பெறும் வகையில் மேம்படுத்துதல்.

பார்வை

தென்னிந்தியாவின் நெற் களஞ்சியமாக விளங்கும் தஞ்சாவூர் மாவட்டம் மிகச் சிறந்த இசை மையமாகவும் விளங்குகிறது. கர்நாடக இசையின் முக்கியமான இசை நாட்டியக் கலைஞர்கள், இயல் இசையாளர்கள், இசைக் கருவிகள் உற்பத்தி என்று அனைத்திற்கும் தஞ்சை ஒரு உன்னதமான இடத்தைப் பெற்றுள்ளது. சங்கீத மும்மூர்த்திகளில் ஒருவரான ஸ்ரீ தியாகராஜர் வாழ்ந்து மறைந்த திருவையாறு இந்த தஞ்சை மாவட்டத்தில் உள்ளது. மிகச் சிறிய கிராமமான திருவையாற்றில் ஒவ்வொரு வருடமும் ஜனவரி மாதம் சத்குரு ஸ்ரீ தியாகராஜரின் ஆராதனைக்காக அகில உலக அளவில் இசை வித்வான்கள், இசை ரசிகர்கள் ஒன்றிணைந்து பாடுவது சிறப்புடையது.

• இத்தனை பெருமைகள் வாய்ந்த திருவையாற்றில், திருவையாறு, தமிழ்நாடு அரசு இசைக்கல்லூரி அமைந்திருப்பது மிக முக்கியமானதொரு அம்சமாகும். அதிலும் குறிப்பாக, இன்றைய அளவில் தமிழ்நாட்டில் அரசு இசைக்கல்லூரிகளில் பட்டய வகுப்புகள், இளங்கலை இசை, முதுகலை இசை, இசையில் முனைவர் பட்டம் அனைத்தும் ஒருங்கே அமையப் பெற்ற கல்லூரி ஆகும்.
• இக்கல்லூரி 1965-ல் அரசர் கல்லூரியில் ஒரு துறையாகத் துவங்கப்பட்டு சென்னை பல்கலைக்கழக இணைவோடு செயல்பட்டு வந்தது. 1983 முதல் பாரதிதாசன் பல்கலைக்கழக இணைவு பெற்று நடைபெற்று வந்தது. 1997ல் அரசர் கல்லூரியின் ஒரு துறையாக செயல்பட்டு வந்த இசைத்துறை தமிழ்நாடு அரசு இசைக் கல்லூரியாக செயல்பட்டு வருகிறது. 2014ஆம் ஆண்டு முதல் தமிழ்நாடு டாக்டர் ஜெ.ஜெயலலிதா இசை மற்றும் கவின்கலை பல்கலைக்கழக இணைவு பெற்று செயல்பட்டு வருகிறது.
• இக்கல்லூரி புதிய வளாகத்தில் 11 ஏக்கர் நிலப்பரப்பில் சொந்தக் கட்டிடத்தில் 2009 முதல் செயல்பட்டு வருகிறது. 50 வருடங்களாக எண்ணற்ற மாணவர்கள் இசைக்கல்லூரியில் பயின்று சிறந்த நிலையில் உள்ளனர்.
• இந்தக் கல்லூரியில் 50 மாணவியர்கள் தங்கிப் படிப்பதற்கான விடுதி வசதி உள்ளது. அத்துடன் 100 மாணவர்கள் தங்கிப் படிப்பதற்கான விடுதி வசதி உள்ளது. இந்த விடுதிகள் தமிழக அரசின் பிற்படுத்தப்பட்டோர் மற்றும் மிகவும் பிற்படுத்தப்பட்டோர் நலத் துறையினரால் நடத்தப்படுகிறது.
• இந்நிறுவனம் வேலை வாய்ப்பு பதிவின் முன்மாதிரியாக உள்ளது.
• இக்கல்லூரியில் மாணவர்களுக்கு வேலை வாய்ப்பு தொடர்பான ஆலோசனைகள் வழங்கிட வேலை வாய்ப்பு மையம் (Placement Cell) உருவாக்கி கல்லூரி ஆசிரியர் ஒருவர் அதற்கென நியமனம் செய்யப்பட்டுள்ளார். அதன் மூலம் மாணவர்களுக்கு ஆலோசனைகள் வழங்கப்பட்டு வேலை வாய்ப்பு பெறுவதற்கான செயல்பாடுகள் செய்யப்பட்டு வருகிறது.
• இக்கல்லூரியில் பகடி வதை தடுப்புக் குழு (Anti Ragging Cell) அமைக்கப்பட்டு செயல்பட்டு வருகிறது. அதன் மூலம் இக்கல்லூரி வளாகத்தினுள் பகடி வதைத் தொடர்பான செயல்பாடுகள் தவிர்க்கப்பட்டு வருகிறது.
• இக்கல்லூரியில் பயின்று சென்றுள்ள முன்னாள் மாணவர்களை ஒருங்கிணைத்து முன்னாள் மாணவர் சங்கம் தோற்றுவித்து செயல்பட்டு வருகிறது. அச்சங்கம் கூட்டுறவு சங்கங்களின் பதிவின்படி (Society’s Act) பதிவு செய்வதற்கான பணிகள் நடைபெற்று வருகிறது. அச்சங்கத்தின் மூலம் கல்லூரி வளர்ச்சிக்குத் தேவையான தேவைகள் மற்றும் மாணவர் நலன் சார்ந்த பணிகள் மேற்கொள்ளப்படுகிறது.
• இந்தக் கல்லூரிக்கென்று தனித்துவமாக "Earn While You Learn" அமைப்பு இசைக் கல்வி கற்கும் மாணவர்களுக்கு செயல்முறையாக மேடையில் நிகழ்ச்சிகள் நடத்துவதற்கான தன்னம்பிக்கை, சுயபிரதிபலிப்பு, சகிப்புத்தன்மை போன்ற தகுதிகளை படிக்கும் போதே ஏற்படுத்தித் தருகிறது.
• சுற்றுச் சூழல் சார்ந்த நிகழ்வுகளில் பங்கேற்கச் செய்வது. தூய்மை இந்தியா, இரத்த தானம், வாக்களிப்பது தொடர்பான விழிப்புணர்வு போன்ற சமூக பங்களிப்பு தரும் செயல்பாடுகளில் மாணவ, மாணவியர்கள் ஈடுபடுத்தப்பட்டு வருகின்றனர்.

பாடப்பிரிவுகள் வருமாறு:

இக்கல்லூரியில் பட்டய வகுப்புகளுக்கு ஆண்டு இறுதித் தேர்வும் பட்ட வகுப்புகளுக்கு பருவத் தேர்வுகளும் நடைபெறுகிறது.

இக்கல்லூரி நூலகத்தில் நல்ல நிலையில் போதுமான நூல்கள் உள்ளது.