• திங்கள் முதல் வெள்ளி வரை- காலை 9.30 மணி முதல் 3.45 மணி வரை
• மதியம் 12.30 மணி முதல் 1.15 மணி வரை மதிய உணவு இடைவேளை
• விடுமுறை - சனிக்கிழமை, ஞாயிற்றுக்கிழமை மற்றும் அரசு விடுமுறை நாட்கள்.
• குளிர் கால விடுமுறை - நவம்பர்
• கோடை விடுமுறை - மே 1 முதல் ஜூன் 15 வரை

தமிழ்நாடு ஓவிய நுண்கலைக் குழு ஆண்டுதோறும் 10 இறுதியாண்டு இளம்கவின்கலை மற்றும் 2 முதுகவின்கலை மாணவர்களின் சிறந்த படைப்புகளுக்கு ஊக்கத்தொகை வழங்கி உதவுகின்றது. மேலும் இக்கல்லூரியில் பயிலும் தாழ்த்தப்பட்ட, மிகவும் பிற்படுத்தப்பட்ட மற்றும் பிற்படுத்தப்பட்ட மாணவர்களுக்கு தமிழக அரசால் வழங்கப்படும் கல்வி உதவித் தொகை மாணவர்களுக்கு பயன் அளிக்கும் வகையில் உரிய காலத்தில் பெற்று வழங்கப்பட்டு வருகிறது.

இந்திய கலைவரலாறு ஐந்தாயிரம் ஆண்டுகள் பாரம்பரியம் மிக்கது, நோக்கும் இடமெல்லாம் உயரிய கலையினை பறைசாற்றும் கலைபடைப்புகள் காணக்கிடைக்கின்றன. வகுப்பறைகளில் செய்முறை பயிற்சியும் கலைவரலாறு, பாடம் பயிலும் மாணவர்கள் இந்திய கலையின் சிறப்புகளை நேரில் கண்டு அனுபவம் பெற்று மேலும் சிறந்த கலைபடைப்புகளை உருவாக்க வேண்டும் என்ற பரந்த தொலைநோக்கோடு கல்விசுற்றுலாவிற்கு அழைத்துச் செல்லப்படுகின்றனர்.

• தென்னிந்தியா (II ஆம் ஆண்டு மாணவர்கள்)
• மத்தியஇந்தியா(III ஆம் ஆண்டு மாணவர்கள்)
• வடஇந்தியா (IV ஆம் ஆண்டு மாணவர்கள்)

ஆகிய பகுதிகளுக்கு 21 நாட்கள் வீதம் மூன்று ஆண்டுகள் இரண்டு ஆசிரியர்களின் வழிகாட்டுதலோடு அழைத்து செல்லப்படுகிறார்கள். இதற்காக தமிழக அரசு ஆண்டுதோறும் நிதி ஒதுக்கீடு செய்துவருகிறது. இத்தொகையில் மாணவர்களுக்கான தொடர்வண்டி சலுகைக் கட்டணம், சுற்றுலா பயண இடங்களுக்கு செல்லும் பயணக் கட்டணம் மற்றும் 21 நாட்களுக்கான தினப்படி ஆகியவை வழங்கப்படுகின்றன. இதனால் மாணவர்கள் அனைவரும் இந்தியாவில் உள்ள அனைத்து மாநில கலை, கலாச்சாரம் பண்பாடு ஆகியவை குறித்த விரிவான தகவல்களை நேரில் அறிந்து அனுபவம் பெறும் அரிய வாய்ப்பினைப் பெறுகின்றனர்.

ஒவ்வொரு ஆண்டும் மாணவர்களின் திறனும் கல்லூரியின் செயல்பாடுகளும் மக்களை சென்றடைய வேண்டும் என்பதற்காக கண்காட்சி நடத்த தமிழக அரசு  நிதி ஒதுக்கீடு செய்கிறது. அக்கண்காட்சியில் கல்லூரியில் பயிலும் அனைத்துத் துறை மாணவர்களின் கலைப் படைப்புகளை காட்சிப்படுத்தி அவர்களது தனித்திறமையை வெளிக்கொணரும் வகையில் ஊக்குவிக்கப்படுகின்றனர். இது மட்டுமல்லாது பொதுமக்களின் கவனத்தை ஈர்க்கும் வண்ணம் கருத்தரங்குகள், பயிற்சிமுகாம்கள் நடத்தப்படுகின்றன.

• இக்கல்லூரியில் தமிழகத்தின் மற்ற மாவட்டங்களிலிருந்து பயிலும் மாணவர்களுக்கென தங்கும் விடுதி உள்ளது. இவ்விடுதியின் அறைகள் விசாலமானதாகவும், காற்றோட்டம் உள்ளதாகவும், இரவு நேரங்களிலும் மாணவர்கள் பயிற்சி மேற்கொள்ளும் பொருட்டு ஒளியூட்டப்பட்டதாகவும், அறைகளில் மின்விசிறி போன்ற வசதிகளுடன் அமைந்துள்ளது. மேலும் தனியே சுகாதாரமான சமையல் அறையும் அதனை அடுத்து பரந்த உணவு உண்ணும் அறையும் உள்ளது.

ஆண்டுதோறும் கணிணி வரைகலை உள்ளிட்ட பல்வேறு கலைத் துறைகளில் வளாக நேர்காணல் நடைபெற்றுவருகிறது

• பள்ளி கல்வித் துறை (ஓவிய ஆசிரியர்கள்)
• கல்லூரி கல்வித் துறை (ஓவிய ஆசிரியர்கள்)
• பத்திரிகைத் துறை
• விளம்பரத் துறை
• திரைப்படத் துறை
• மருத்துவக் கல்வித் துறை
• வேளாண்மைத் துறை
• செராமிக் தொழில் துறை
• படிமக் கலைத் துறை (Icon)
• கட்டிடக் கலைத்துறை
• தனியார் கலைக்காட்சி அரங்க வடிவமைப்பு (Multimedia)
• ஒளிப்படத்துறை (Photography)
• துகிலியல் வடிவமைப்புத் துறை
• பல்துறை ஊடகம் அனிமேஷன் துறை
• துகிலியல் தொழிற்சாலைகள்
• உள்அலங்காரக் கலை
• ஆபரண வடிவமைப்பு
• தற்சார்பு ஓவியர்கள்